Орусияда каза болгон кыргызстандыктын үй-бүлөсүнө 2 миллион рублдан ашык кенемте өндүрүлдү

Орусияда каза болгон кыргызстандык жарандын үй-бүлөсүнө 2 миллион 2 жүз миң рубль кенемте өндүрүлдү.

Эмгек министрлигинен кабарлашкандай, Кыргызстандын жараны Х.А.нын багуучусунан ажырагандыгына байланыштуу төлөмдөрдү алууга көмөк көрсөтүү өтүнүчү боюнча тиешелүү сүйлөшүүлөр жүргүзүлүп, бир жолку камсыздандыруу төлөмү өндүрүлүп берилди.

Мындан тышкары каза болгон жарандын 3 жашы жете элек баласына бойго жеткенге чейин ай сайын төлөнүүчү камсыздандыруу төлөмү дайындалды.

Автор: Меерим Кабылова
Фото: Интернеттен алынды