Адылбек Касымалиевдин учагы Ташкенткен конду. Жумушчу сапардын максаты кандай?

Бүгүн, 16-июнда министрлер кабинетинин төрагасы Адылбек Касымалиев жумуш сапары менен Өзбекстандын Ташкент шаарына келди.

Президенттик администрациянын басма сөз кызматы билдиргендей, төрагасынын учагы “Хумо” эл аралык аэропортуна конду.

Касымалиевди Өзбекстандын премьер-министринин орун басары Ачилбай Раматов жана башка расмий кызмат адамдары тосуп алышты.

Аэропорттун флагштокторуна Ташкент инвестициялык V эл аралык форумуна катыша турган өлкөлөрдүн мамлекеттик туулары илинип, ардактуу кароол тизилди.

Белгилей кетсек, жумуш сапарынын алкагында министрлер кабинетинин төрагасы Ташкент инвестициялык V эл аралык форумуна катышып, пленардык жыйынында сөз сүйлөйт. Ошондой эле Өзбекстандын расмий жогорку кызмат адамдары менен эки тараптуу жолугушуусу өткөрүлөт жана бир катар объекттерге барат.

Автор: Замира Ниязбекова