Токтогулда опузалап акча талап кылууга шектүүлөр кармалды (видео)

Жалал-Абад облусунун Токтогул районунда опузалап акча талап кылууга шектүүлөр кармалды. Бул тууралуу 17-июнда Ички иштер министрлигинен билдиришти.

Маалымдалгандай, милицияга белгисиз жарандар коркутуп 500 миң сом акча талап кылынгандыгы тууралуу арыз түшкөн. Аталган факт боюнча Кылмыш-жаза кодексинин 208-беренеси (Опузалап талап кылуу) менен кылмыш иши козголгон.

Жүргүзүлгөн иш-чаралардын алкагында 7 жаранга сурак жүргүзүлгөн. Алардын ичинен бир нече жолу соттолгон 1996-жылы туулган К.Э. жана 2002-жылы туулган М.Ш. аттуу жарандар кармалган. Учурда тергөө амалдары улантылууда.