Филармониянын кызматкерлери мамлекетке 3 миллион сомго чейин зыян келтиргени айтылууда

Жалал-Абад облусунда Токтосун Тыныбеков атындагы облустук филармониянын жооптуу кызмат адамдары тарабынан мамлекеттик сатып алууларды жүргүзүүдө мыйзам бузууларга жол берилгени аныкталды. Бул тууралуу бүгүн, 18-июнда УКМКнын маалымат борбору билдирип, текшерүүнүн жыйынтыгында 2 миллион 795 миң 400 сом өлчөмүндө зыян келтирилгени такталганы кошумчаланды.

Факт боюнча Кылмыш-жаза кодексинин 337-беренеси (Кызмат абалынан кыянаттык менен пайдалануу) боюнча кылмыш иши козголуп, анын алкагында филармониянын мурдагы директорунун милдетин аткаруучу Ж.Д.,башкы эсепчиси М.Д. жана товар жеткирүүчү Н.К. кармалды.

Тергөө уланууда.

Автор: Замира Ниязбекова