УКМК Кара-Көл шаарынын мурдагы мэри баш болгон кызматкерлерди кармады (видео)

УКМК Кара-Көл шаарындагы көп батирлүү турак үйдүн курулушунда мыйзам бузуулар аныкталганын билдирди.

Маалыматка ылайык, 2024-2025-жылдары жүргүзүлгөн иштерде тендер өткөрүү тартиби, курулуш нормалары жана техникалык көзөмөл боюнча мыйзам талаптары бузулган. Текшерүүнүн жыйынтыгында мамлекетке 9 миллион 985 миң 400 сом зыян келтирилгени такталды.

Анын негизинди Кылмыш-жаза кодексинин 337-беренеси (Кызмат абалынан кыянаттык менен пайдалануу) боюнча кылмыш иши козголду. Анын алкагында кармалгандар:

О.Н. – Кара-Көл шаарынын мурдагы мэри;
К.М. – Кара-Көл шаарынын мэриясынын муниципалдык менчик башкармалыгынын мурдагы башчысы;
М.А. – Кара-Көл шаарынын мэриясынын муниципалдык менчик башкармалыгынын курулуш боюнча мурдагы адиси;
И.М. – курулуш иштерине техникалык көзөмөл жүргүзүүгө жооптуу адис.

Шектүүлөр убактылуу кармоочу жайга киргизилип, тергөө уланууда.