22-июнда Баткен шаарында сел жүргөнү маалым болду. Социалдык тармактарга жарыяланган видеолордо көчөлөрдү сел суусу каптап, айрым аймактарда суу агымы күчөгөнү көрүнөт. Видеону журналист Жеңиш Айдаров өзүнүн социалдык тармактагы баракчаларына жүктөгөн. Учурда өзгөчө кырдаалдын кесепеттери боюнча расмий маалымат бериле элек.
Буга чейин Кыргызгидромет 18–22-июнь күндөрү өлкөнүн тоо этектеринде жана тоолуу райондорунда нөшөрлүү жаан-чачынга байланыштуу сел жүрүү коркунучу бар экенин эскерткен.
ӨКМ тарабынан кошумча маалымат жарыяланары күтүлүүдө.