Манас шаарын Ооганстанга салыштырган экс-мэрге жаңы кызмат сунушталды

Жогорку Кеңештин финансы, бюджет, ишкердик жана атаандаштыкты өнүктүрүү боюнча комитети Абдупаты Маткаликовдун талапкерлигин Мамлекеттик өнүктүрүү банкынын директорлор кеңешинин курамына киргизүүгө макулдашты.

Маалыматка ылайык, анын талапкерлигин Жогорку Кеңештеги “Ала-Тоо” депутаттык тобу сунуштаган.

Эске салсак, Абдупаты Маткаликов быйыл 20-февралда Манас шаарынын мэри болуп дайындалган. Ал эми 18-июнда ээлеген кызматынан бошотулган.

Автор: Максуда Кудайбердиева