Марстын түнкү көрүнүшү интернет колдонуучуларын суктандырды

Марсты изилдеп жаткан ровер Жерден болжол менен 225 миллион чакырым алыстыкта туруп, Кызыл планетанын түнкү панорамасын тартып алды.

Сапаттуу сүрөттү алуу үчүн робот кыймылын толугу менен токтотуп, узак экспозиция ыкмасын колдонгон. Натыйжада Марстын түнкү пейзажы өзгөчө тактык менен тартылып калган.

Бул видео социалдык тармактарда бат эле популярдуулукка ээ болуп, дээрлик 5 миллион көрүүгө жетти. Көптөгөн колдонуучулар мындай кадрлар Марсты жаңы өңүттөн көрүүгө мүмкүнчүлүк берип, өзгөчө таасир калтырганын белгилешүүдө.

Автор: Айзада Кыдырмышева