Бүгүн, 27-июнда Баткен районунун Рават айылынын аймагында нөшөрлүү жамгырдын кесепетинен сел жүрдү.
Мындан улам Ош–Раззаков унаа жолу убактылуу жабылды.
Андан сырткары катуу шамалдан улам айрым жерлерде дарактар сынып, электр чубалгыларына зыян келтирилген. Учурда жеринде жарандык коргонуу кызматтары жана тиешелүү мекемелер күчөтүлгөн тартипте иш алып барууда.
Кырдаал облус башчысы Мамыржан Рахимовдун жеке көзөмөлүндө экени маалымдалды.