Ирандын билдирүүсүнө каршы... Трамп Вашингтон менен Тегеран сүйлөшүү өткөрөрүн айтты

АКШнын президенти Дональд Трамп Ирандын четке кагуусуна карабай Вашингтон менен Тегерандын Катардагы сүйлөшүүлөрү шейшемби күнү болорун кайталады.

"Балким, бул маанилүү сүйлөшүүлөр болот, балким, жок. Көрөбүз",- деген ал Ак үйдө журналисттерге.

Дүйшөмбү күнү Трамп Дохада АКШ менен Ирандын делегацияларынын ортосундагы сүйлөшүүлөр болорун жарыялаган. Бирок андан кийин Ирандын Тышкы иштер министрлигинин өкүлү Исмаил Багаи Тегеран жакынкы күндөрү Катарда америкалык тарап менен эч кандай байланыш түзүүнү пландабай турганын билдирген.

Автор: Кылымбек Бейшеев