Бишкек шаарында жашы жете элек кызды аңдуу фактысы боюнча 33 жаштагы жаран кармалды.
Шаар милициясынын маалыматына ылайык, 29-июнда саат 22:30 чамасында белгисиз эркек киши 13 жаштагы кызга "кичинекейим" деп кайрылып, анын артынан ээрчиген. Окуяны кыздын энеси видеого тартып алып, милицияга кайрылды.
Териштирүүнүн жүрүшүндө шектүү кармалып, ал 2023-жылдан бери психоневрологиялык диспансерде каттоодо тураары аныкталды. Мындан улам аталган жаран психикалык саламаттык борборуна жеткирилди.