Оштогу облустук ооруканага 10 миллион сомдук эки медициналык жабдуу тапшырылды

Ош облустар аралык бириккен клиникалык ооруканасына Япония өкмөтү тарабынан медициналык жабдуулар берилди. Бул тууралуу облус өкүлчүлүгүнөн кабарлашты.

Маалым болгондой, жалпы баасы 10 миллион сомдук эки негизги медициналык жабдуу тапшырылды:

Трансуретралдык резекция үчүн эндоскопиялык стойка;
Проктологиялык ооруларды дарылоо үчүн ультра үндүү диссектор.

"Бул заманбап аппараттардын жардамы менен бейтаптарга көрсөтүлүүчү медициналык кызматтын сапаты бир топ жогорулап, дарылоо мөөнөтү эки эсеге чейин кыскарат деп күтүлүүдө",- деп белгиленген маалыматта.

Иш-чарага облус жетексисинин орун басары Талантбек Арстанкулов, Япониянын Кыргызстандагы элчиси Хирано Рюти катышты.

Автор: Замира Ниязбекова