Өкмөт жооп берет: Ош-Исфана жолу качан оңдолот?

Урматтуу колдонуучу, сизде өкмөткө, ага тиешелүү министрликтерге берилүүчү суроолор жана чечилбеген маселелер барбы? Анда «Суперстандагы» «Өкмөт жооп берет» бөлүмүнө суроолоруңузду калтырыңыз. Суроолоруңузга тиешелүү тармактардын адистеринен жооп алып берүүгө даярбыз.

Суроо: - Ош-Исфана жолу качан оңдолот? Суроо калтырган Talant86

Жооп: - Бул долбоордун башкы максаттарынын бири болуп борбордон алыс жайгашкан аймактардын туруктуу социалдык-экономикалык өнүгүүсүн камсыз кылуу эсептелет.

Өткөн жылы бул унаа жолдун 123төн 220-чакырымына чейинки чөлкөмүндөгү жумуштар бүткөн. Ал жерде жол – курулуш жумуштары 2010-жылы башталган. Европа реконструкциялоо жана өнүктүрүү банкы жолдун жогорудагы чөлкөмдү кайра оңдоону каржылаган. Үстүбүздөгү жылы бул унаа жолунун дагы эки чөлкөмүндө курулуш жумуштары башталган (10дон 28-чакырымга чейин (Ноокат ашуусу) жана 108ден 123-чакырымга чейин (Кара-Талаа-Пүлгөн). Ноокат ашуусунан өтүүчү жолду оңдоого Бүткүл дүйнөлүк банк 16 миллион доллар бөлүп берди. Анын ичинен 7,2 миллион доллар грант катары саналат. Көк-Талаа-Пүлгөн жолун оңдоо Европа комиссиясы бөлгөн 8,6 миллион евро өлчөмүндөгү каражатка ишке ашырылат. Бирок толук бүтүрүү үчүн көрсөтүлгөн каражат жетишсиз. Ошондуктан КРнын Өкмөтү асфальт-бетон жабуусун төшөө менен жол кийимин жайлаштырууга 5 миллион евро менен каржылап берүүгө милдеттенме алды. Жогорудагы иштер “Ош-Баткен- Исфана улуттук жол тармагын реабилитациялоо” долбоорунун биринчи фазасынын алкагында өткөрүлүп жатат. Алардан башка буларга тажик айылдарын Чорку жана Сурх айланып өткөн жолдун чөлкөмү да кирет. Ал жердеги жумуштар 2009-жылы бүтүрүлгөн.

Көрсөтүлгөн долбоордун биринчи фазасын ишке ашырууга Ош-Баткен-Исфана унаа жолунун 153 чакырымын ичине алган. Жалпысынан 95,4 миллион доллар тартылган.

Суроого Tранспорт жана коммуникация министрлигинин басма сөз кызматы жооп берди.

Эгер сизде да суроолор болсо, анда "Өкмөт жооп берет" бөлүмүнө кириңиз.

Автор: Айпери Ганыжан кызы