Түптө наркы 11 миллион сомдон ашык жер тилкелери мамлекетке кайтарылды

Ысык-Көлдүн Түп районунда мыйзамсыз берилген жер тилкелери мамлекетке кайтарылды. Бул тууралуу Башкы прокуратура билдирди.

Маалымдалгандай, Балбай айыл аймагында 5 гектар жайыт жер тилкеси мыйзам талаптарын бузуу менен 2010-жылы жеке менчикке өткөрүлүп берилген. Ошондой эле Түп айылындагы айыл чарба багытындагы 0,10 гектар жер тилкеси май куюучу жай куруу максатында 1997-жылы мыйзамсыз жеке жакка берилген.

Натыйжада жалпы баасы 11 миллион 559 миң сомду түзгөн жер тилкелери мамлекеттик менчикке алынды.

Автор: Кылымбек Бейшеев
Фото: Башкы прокуратура