Иран АКШнын аскердик объекттерине сокку урганын жарыялады

Ирандын Ислам революциясынын сакчылар корпусу, деңиз флоту жана аба күчтөрү Перс булуңундагы АКШнын аскердик базаларындагы 85 объектке баллистикалык ракеталарды жана дрондорду колдонуу менен биргелешкен операция жүргүзгөнүн жарыялашты.

Чет элдик басылмалар жазышкандай, соккулар Бахрейндеги АКШнын деңиз флотунун 5-флотунун базасына жана Кувейттеги Али ас-Салем аба базасына багытталган.

Билдирүүдө операция шаршемби күнү АКШнын Ирандын Ормуз кысыгында жайгашкан Хормозган провинциясындагы жана Бендер-Махшехре шаарындагы жээк базаларына жана аскердик эмес объекттерге жасаган аба соккусуна жооп катары жасалганы айтылат.