Ак-Талаада канаттууларды кармаган чет элдик жаран кармалды

Социалдык тармактарда чет элдик жарандын канаттууларды кармап жаткан видеосу тарагандан кийин, Ички иштер министрлигинин кызматкерлери ыкчам издөө иш-чараларын жүргүзүштү.

Анын жыйынтыгында видеодо көрүнгөн чет элдик жарандын өздүгү аныкталып, ал Ак-Талаа райондук ички иштер бөлүмүнө жеткирилди.

Учурда окуя боюнча тергөөгө чейинки текшерүү жүрүп, бардык жагдайлар такталууда. Текшерүүнүн жыйынтыгында чет элдик жарандын аракеттерине Кыргыз Республикасынын мыйзамдарына ылайык укуктук баа берилери маалымдалды.

Автор: Айзада Кыдырмышева