Жумгалда медицина кызматкерине кол салган жаран камакка алынды

Жумгал районунда медицина кызматкерине кол салууга шектелген жаран камакка алынды. Бул тууралуу Нарын облустук милициясы билдирди.

Маалымдалгандай, окуя 27-июнда болгон. Шектүү Жумгал райондук Жалпы дарыгерлер практикалык борборунун тез жардам бөлүмүндө кызматтык милдетин аткарып жаткан медицина кызматкерине күч колдонгон.

Бул факт боюнча кылмыш иши козголуп, соттук-медициналык экспертизанын жыйынтыгында жабырлануучунун ден соолугуна жеңил залал келтирилгени аныкталган. Учурда кылмыш иши боюнча тергөө уланууда.

Автор: Кылымбек Бейшеев
Фото: Нарын ОИИБ