1 айда 1500дөн ашуун мас айдоочу кармалды

Өлкөдө 1 айдын ичинде 1500дөн ашуун мас абалда унаа айдагандар кармалышты. Бул тууралуу Ички иштер министрлиги билдирди.

Маалыматка ылайык, аларга 126 миллион сомдон ашуун айып пулдар салынган. Мас абалда унаа башкаргандар 6 айда 9600дөн ашкан.

Министрлик 20-июлдан тартып мас абалында унаа айдагандарга жаза күчөтүлгөнүн белгиледи. Жаңы мыйзамга ылайык, мас абалда унаа айдаган айдоочу айдоочулук күбөлүгүнөн 2 жылга ажыратылып, 80 миң сом айыпка жыгылат. Мас абалда жол кырсыгына кабылып, адам өлүмү менен коштолсо, 10 жылга чейин эркиндигинен ажыратылып, 12 жылга чейин транспорт каражатын башкара албайт.

Автор: Кылымбек Бейшеев
Фото: ИИМ