Дүйнө чемпиондугунун финалын башкарган калыс карьерасын жыйынтыктады

2026-жылкы футбол боюнча дүйнө чемпиондугунун финалдык беттешин башкарган словениялык калыс Славко Винчич мундиаль аяктагандан бир жума өткөн соң карьерасын расмий жыйынтыктады. Бул тууралуу Словениянын Футбол союзу жазып чыкты.

Маалыматка ылайык, 2026-жылкы дүйнө чемпиондугу тарыхта биринчи жолу 48 курама команданын катышуусунда АКШ, Канада жана Мексикада 11-июндан 19-июлга чейин өттү.

Финалда Испания Аргентинаны кошумча убакытта 1:0 эсебинде жеңип, дүйнө чемпиону болгон. Дал ушул чечүүчү беттешти Славко Винчич башкарган.

Автор: Айзада Кыдырмышева