Улуу Британия Украинага аскер жөнөтүүгө даяр экенин билдирди

Бүгүн, 28-июлда Улуу Британиянын жаңы премьер-министри Энди Бернэм Украинадагы согуш аяктагандан кийин өлкөгө аскердик контингент жөнөтүүгө даяр экенин билдирди. Бул тууралуу орусиялык басылмалар жазып чыгышты.

Бернэмдин айтымында, ок атышуу токтогондон кийин Британия Украинанын узак мөөнөттүү коопсуздугун камсыз кылуу үчүн көп улуттуу күчтөрдүн курамында аскерлерин жайгаштырууга даяр.

Ал ошондой эле Лондон Киевди колдоону улантып, Москвага ок атышууну токтотууга жана сүйлөшүүлөрдү кайра баштоого багытталган басымды күчөтөрүн белгиледи.

Белгилей кетсек, Энди Бернэм Улуу Британиянын премьер-министрлик кызматына 20-июлда киришти. Ал эми 27-июлда Украинанын президенти Владимир Зеленский менен жолугушуп, Лондондун Киевге колдоосу өзгөрбөй турганын билдирген.

Автор: Үммүгүлсүн Кеңешбекова