ПСЖнын президенти ФИФАны жетектеши мүмкүн

Футболдук журналист Бен Жейкобстун маалыматына караганда, Нассер Аль-Хелаифи 2027-жылы өтө турган ФИФАнын президенттик шайлоосуна талапкер болушу мүмкүн.

Маалыматка ылайык, УЕФА анын талапкерлигин колдоону караштырып жатат. Максат - учурдагы ФИФА президенти Жанни Инфантинонун Дүйнө чемпиондугунун коммерциялык укуктарын сатуу боюнча талаштуу демилгесинен кийин жетекчиликти өзгөртүү. Бул демилге акыркы күндөрү УЕФА тарабынан катуу сынга алынган.

ФИФА президентин шайлоо 2027-жылдын март айында өтөт. Азырынча Аль-Хелаифинин талапкерлиги расмий жарыялана элек.

Автор: Айзада Кыдырмышева