Нарындын тургундарын алдап кеткен жаран Жалал-Абаддан кармалды

Ак-Талаа районунун бир нече тургундарын алдоого шектелген жаран Жалал-Абаддан кармалды. Бул тууралуу Нарын облустук милициясы билдирди.

Маалыматка ылайык, Оштун 44 жаштагы тургуну бир нече адамдын ишенимине кирип, алардын акчасын жана мал-мүлкүн алдап алган. Аталган фактылар боюнча Кылмыш-жаза кодексинин 209-беренеси (Алдамчылык) менен өз-өзүнчө кылмыш иштери козголуп, сотко чейинки өндүрүш жүргүзүлүүдө.

Учурда шектүүнүн ушул сыяктуу башка кылмыш фактыларына тиешеси бар же жок экендиги такталууда.

Автор: Кылымбек Бейшеев
Фото: Нарын ОИИБ