Токмокто мушташкан достор арыз жазуудан баш тартышты

Токмок шаарынын борбордук аянтында мушташууга шектелип 19 жаштагы эки жана 18 жаштагы уландар кармалышты. Бул тууралуу Чүй облустук милициясы билдирди.

Маалыматка ылайык, окуя кечээ, 22-августта болгон. Анда достор аянттан жолугуп калышып, пикир келишпестиктен мушташа кетишкен. Аларды өтүп бара жаткандар ажыратып калышкан.

Милиция уландарды таап, факты каттоого алынган. Үч улан тең тосмо арыз жазышып, соттук-медициналык экспертизадан өтүүдөн баш тартышкан. Мындан улам алардын ишинде кылмыштын курамы жок деп табылган.

Автор: Кылымбек Бейшеев
Фото: Чүй ОИИБ