Чаткалдагы Ыдырыс-Ата тарыхый күмбөзү кандай болуп өзгөрөт? (эскиз)

Жалал-Абад облусунун Чаткал районунун Жаңы-Базар айылында жайгашкан Ыдырыс-Ата тарыхый-маданий зыярат жайын өнүктүрүүгө багытталган эскиздик долбоор даярдалды.

Бүгүн, 26-августта Курулуш министрлиги бул тууралуу билдирип, долбоордун алкагында тарыхый мурасты сактоо, күмбөздүн аймагын көрктөндүрүү жана зыяратчылар үчүн ыңгайлуу шарттарды түзүү каралган.

Жалпы аянты 1 гектар болгон аймакты иретке келтирүү жана керектүү инфраструктураны жакшыртуу пландалууда. Учурда долбоор тиешелүү кароо жана макулдашуу жол-жоболорунан өткөрүлүп жатат.

Автор: Замира Ниязбекова