Бишкектеги жаңы автобекет сентябрь ичи пайдаланууга берилет (видео)

Бишкек шаарындагы жаңы автобекет ушул айда пайдаланууга берилет. Бул тууралуу 3-сентябрда президенттин иш башкармасынан билдиришти.

Маалыматка ылайык, учурда автобекеттин курулушу 95 пайызга бүттү. Асфальт төшөө жана инфраструктураны көрктөндүрүү иштери гана калды.

Объект менен таанышуу учурунда президенттин иш башкаруучусу Каныбек Туманбаев подряддык компанияга бардык иштерди белгиленген мөөнөттө сапаттуу бүткөрүү керектигин билдирди.

Автобекеттин жалпы аянты 30 миң чарчы метрди түзүп, жарандар үчүн бардык зарыл болгон шарттар каралган.