Өмүрбек Эсен уулу: "Ар бир улакчынын салган салымын, менин салымым деп эсептейм"

VI Дүйнөлүк көчмөндөр оюндарында көкпар боюнча мыкты оюнчу аталган Өмүрбек Эсен уулу оюндан кийин пикирин билдирди.

"Оюн жакшы деңгээлде өттү. Эң башкысы - улакчылар, аттар жаракат алган жок. Казакстандыктар да жогорку деңгээлде даярданып келишиптир. Көкпар боюнча 2022-жылы Түркияда таза оюн болгон. Ар бир улакчынын салган салымы менин салымым деп эсептейм",- деди Эсен уулу.

Эскерте кетсек, кечээ, 6-сентябрда жер улак боюнча финалдык беттеште Кыргызстан менен Казакстандын курамалары күч сынашып, оюндун жыйынтыгында кыргыз улакчылары 7:2 эсебинде жеңишке жетишти.