Жыргалбек Медетканов курулуш министринин орун басары болуп дайындалды

Жыргалбек Медетканов Кыргызстандын курулуш, архитектура жана турак жай-коммуналдык чарба министринин орун басары болуп дайындалды. Бул тууралуу аталган мекемеден билдиришти.

Тиешелүү тескемеге министрлер кабинетинин төрагасы Адылбек Касымалиев кол койгон.

Медетканов буга чейин министрликке караштуу Турак жай-жарандык курулуш департаментинин директору болуп иштеген. Курулуш тармагындагы эмгек жолун 2008-жылы инженер болуп баштаган.

Ал эми буга чейин министрдин орун басары болуп келген Талантбек Иманакун уулу кызматынан бошотулду.

Автор: Айзада Кыдырмышева