Дүйшөнкул Шопоковдун жаркын элесине арналган бокс боюнча Эл аралык мелдеште Кыргызстан командалык эсепте 1-орунду ээледи

56 килограмм салмакта Өмүрбек Малабеков жеңүүчү аталды.

Кечээ, 2-февралда Советтер Союзунун Баатыры Дүйшөнкул Шопоковдун жаркын элесине арналган Эл аралык мелдеште Кыргызстан курама командасы командалык эсепте 1-орунду ээледи. Бул тууралуу Дене тарбия жана спорт мамлекеттик агенттигинен билдиришти.

Маалыматка ылайык, 38-ирет уюшулган мелдешке 7 мамлекеттен 180ден ашык мушкер катышып, 10 салмактык бөлүктө жеңүүчүлөр аныкталды. Анда кыргызстандык мушкерлер 5 салмак категориясында 1-орунду ээлешти.

Жеңүүчүлөрдүн тизмеси:

49 килограмм салмакта - Турат Осмонов (Кыргызстан)

52 кг - Олжас Саттибаев (Казакстан)

56 кг - Өмүрбек Малабеков (Кыргызстан)

60 кг - Медер Мамакеев (Кыргызстан)

64 кг - Эрмек Сакенов (Кыргызстан)

69 кг - Фёдор Виноградов (Орусия)

75 кг - Абзал Куттыбеков (Тажикстан)

81 кг - Батырали Мамажанов (Өзбекстан)

91 кг - Чингис Борбашев (Кыргызстан)

91 килограммдан жогорку салмакта - Артём Сусленков (Орусия)

Эске салсак, мелдеш 29-январда старт алган.