Куткаруучуларга 16 миллион сомдук атайын техникалар тапшырылды

Кечээ, 15-сентябрда Өзгөчө кырдаалдар министрлигинин Ысык-Көл облусу боюнча башкармалыгына атайын унаа, техникалар жана санариптик жабдуулар тапшырылды.

ӨКМден маалымдашкандай, башкармалыкка төмөнкү техникалар жана жабдуулар берилди:

Шакман вахталык унаасы – 1 даана;
Утилитардык кар унаасы – 2 даана. Куткаруу чанасы атайы жүк ташуучу чиркегичтери менен кошо алынган;
Суу алдындагы дрон – 1 комплект;
Квадрокоптер – 1 комплект. Абадан байкоо жүргүзүү жана аймакты мониторингдөө үчүн пайдаланылат;
Starlink Mini – 2 комплект. Өзгөчө кырдаал болгон аймактарда үзгүлтүксүз спутниктик байланышты камсыз кылууга мүмкүндүк берет.

Жаңы техникалар Ысык-Көл облусун өнүктүрүү фондунан бөлүнгөн каражатка сатылып алынган.

Автор: Меерим Кабылова
Фото: ӨКМ