Ак-Талаа жана Ат-Башыда прокуратуранын жаңы имараттары ачылды

Нарын облусунун Ак-Талаа жана Ат-Башы райондук прокуратураларынын жаңы административдик имараты ачылды. Бул тууралуу 16-сентябрда Башкы прокуратурадан билдиришти.

Маалыматка ылайык, жаңы имараттарды башкы прокурор Малик Бектурганов ачкан. Административдик имараттар заманбап талаптарга ылайык курулуп, кызматкерлердин иш алып баруусу жана жарандарды кабыл алуу үчүн зарыл болгон шарттар менен камсыздалган.

Мындан тышкары, прокурор Ат-Башы райондук прокуратурасынын кызматкерлери үчүн жаңыдан курулган кызматтык үйдү ачты.

Автор: Меерим Кабылова
Фото: Башкы прокуратура