Эркин Бакиров Балык өнөр жайы департаментинин директору болду

Айыл чарба министрлигинин Балык өнөр жайы комплекси департаментинин директору болуп Эркин Бакиров дайындалды.

Аны департаменттин жамаатына 16-сентябрда министрдин орун басары Асылбек Сатыбалдиев тааныштырды.

Эркин Бакиров 1982-жылдын 9-мартында Талас облусунун Манас районундагы Манас айылында туулган. Жусуп Баласагын атындагы Кыргыз улуттук университетинин Юриспруденция, Каржы жана кредит факультеттерин аяктаган.

Бир катар жооптуу мамлекеттик кызматтарды аркалаган. Мамлекеттик жарандык кызматтын 1-класстагы кеңешчиси.

Автор: Айжанар Рыспек кызы
Фото: Айыл чарба министрлиги