Украина чет өлкөлөрдө оң имиджин сактоого 3,3 миллион доллар бөлөт

Украина 2027-жылы өлкөнүн чет өлкөлөрдөгү оң имиджин сактоого 3,3 миллион долларга жакын каражат бөлүүнү пландоодо. Бул тууралуу Жогорку Раданын сайтында жарыяланган 2027-жылга карата мамлекеттик бюджеттин долбоорунда айтылат.

Документке ылайык, ошол эле учурда өлкөнүн бюджет тартыштыгы 37 миллиард долларга жетет. Мамлекеттик карыздын көлөмү 276 миллиард долларга чейин өсүшү күтүлүүдө.

Украинанын премьер-министри Сергей Корецкийдин маалыматына караганда, 2027-жылы өлкө армиянын муктаждыктарына ички дүң продукциянын дээрлик 44 пайызын, башкача айтканда, 109 миллиард долларга жакын каражат жумшоону пландоодо.

Бюджеттин долбоору азырынча каралууда.

Автор: Айзада Кыдырмышева