Зеленский Трампка жооп кайтарды: "Украина Орусиянын мунай иштетүүчү заводдоруна сокку урууну токтотууга даяр"

Украинанын президенти Владимир Зеленский Киев Орусиянын мунай иштетүүчү заводдоруна сокку урууну токтотууга даяр экенин билдирди. Бул тууралуу бүгүн, 22-сентябрда орусиялык басылмалар жазышты.

Анын айтымында, Орусия Украинадагы энергетикалык жана маанилүү объекттерге чабуулун токтотсо, Киев да Орусиянын мунай иштетүүчү заводдоруна сокку урууну токтотууга даяр.

"Энергетика тармагы, критикалык инфраструктура жана азык-түлүк экспорту Орусия үчүн бута болууну токтотушу керек. Бул Украина тараптан деэскалация боюнча тиешелүү кадамдарга алып келет",- деп жазган Зеленский социалдык тармактагы баракчасына.

Буга чейин АКШ президенти Дональд Трамп Украина Орусиянын дизель тармагына сокку урууну токтотушу керектигин билдирген.

Автор: Үммүгүлсүн Кеңешбекова