Мушкер Акбар Абдуллаевге Ошто аргымак тартуулашты (видео)

Кыргызстандык мушкер Акбар Абдуллаевди кичи мекени Ош шаарында да жылуу тосуп алып, аргымак миңгизишти. Тиешелүү видео социалдык тармакта жарыяланды.

Айта кетсек, Абдуллаев UFC президенти Дана Уайттын талапкерлер сериясындагы беттешинде бразилиялык Эднилсон Сантос менен күч сынашып, атаандашын 19 секундда нокаутка учураткан.

Абдуллаевдин жеңишинен кийин UFC президенти Дана Уайт анын көрсөткүчүнө жогору баа берип, мушкерди шоу тарыхындагы "эң чоң таланттардын бири" деп атаган. Эми 28 жаштагы кыргызстандык мушкер карьерасын UFC'де улантат.

Мушкер кечээ, 22-сентябрда өлкөгө кайтып келген.

Эскерте кетсек, 28 жаштагы Акбар Абдуллаев Ош облусунун Мады айылында төрөлгөн. Ал 3-4 жашында үй-бүлөсү менен Орусияга көчүп кеткен. Ал жактан муай-тай жана кикбоксинг менен машыккан.