Кызыл-Кыяда короосуна кара куурай өстүргөн жаран кармалды

Кызыл-Кыя шаарында үйүнүн короосуна мыйзамсыз кара куурай өстүргөн жаран аныкталды. Бул тууралуу бүгүн, 24-сентябрда Баткен облустук милициясы билдирди.

Маалыматка ылайык, шектүү делген 49 жаштагы жаран 31 даана кара куурай өсүмдүгүн өстүрүп жаткан. Жалпы салмагы 11 килограмм 85 граммды түзөт.

Факт боюнча Кылмыш-жаза кодексинин 288-беренеси (Баңгизат каражаттарын, психотроптук заттарды, алардын аналогдорун жана прекурсорлорду камтыган тирүү организмдерди мыйзамсыз жүгүртүү) менен кылмыш иши козголуп, шектүү убактылуу кармоочу жайга киргизилди.

Автор: Кылымбек Бейшеев
Фото: Баткен ОИИБ