Денис Петрашов менен чогуу жарышка түшкөн суучул дүйнөлүк рекордду жаңылады

Японияда өтүп жаткан Азия оюндарында 17 жаштагы япониялык суучул Син Охаси 200 метр аралыкка брасс стилинде сууда сүзүүдө 2 мүнөт 4,83 секундда келип, дүйнөлүк рекордду жаңылады.

Бүгүн, 24-сентябрда өткөн жарышта япон суучулу тарыхый жеңишке жетти. Буга чейинки рекорд 2023-жылы болгон. Анда ушул эле аралыкты кытайлык суучул Цинь Хайян 2 мүнөт 5,48 секундда сүзүп өтүп, рекорд койгон.

Азия оюндарында ушул эле аралыкта күмүш медалды кыргыз суучулу Денис Петрашов жеңди. Ал 200 метрди 2 мүнөт 08,67 секундда сүзүп өтүп, Кыргызстанга тарыхый күмүш медалды алып келди.

Автор: Айзада Кыдырмышева