Президенттик шайлоону өткөрүүгө 1 миллиард 200 миллион сом бөлүндү

Өлкөдө 2027-жылдын 27-январында президенттик шайлоону өткөрүү үчүн 1 миллиард 200 миллион сом бөлүндү. Бул тууралуу БШКнын бүгүн, 25-сентябрдагы жыйынында белгилүү болду.

Жыйында шайлоонун чыгымдарынын сметасы бекитилди.

БШКнын төрагасы Тынчтыкбек Шайназаров аталган чыгым шайлоонун 2-турун эске алуу менен эсептелгенин, өнөктүк бир тур менен аяктаса, бул сумма азаярын белгиледи.

Айта кетсек, өлкөдө президенттик шайлоо 2027-жылдын 27-январында өтөт.

Автор: Айжанар Рыспек кызы
Фото: интернеттен алынды