UFC уюму менен келишим... Кыргыз мушкери The Ultimate Fighter 34 сезонунун жеңүүчүсү

Кыргызстандык мушкер Илимбек Акылбек уулу Лас-Вегаста өткөн UFC Vegas 121 турниринде "The Ultimate Fighter 34" (TUF 34) реалити-шоусунун жеңүүчүсү аталды. Муну менен ал UFC уюму менен расмий келишим түздү.

Беттеш АКШнын Лас-Вегас шаарында 26-сентябрдан 27-сентябрга караган түнү өттү. Жеңиш Акылбек уулуна атаандашы эреже бузуп, беттештен четтетилгени үчүн берилди.

Биринчи раундда азербайжандык мушкер Мехеммедали Османлы кыргызстандык мушкерди тизеси менен башка тепти. Дарыгерлер алган жаракатынан улам Акылбек уулуна беттешти улантууга уруксат берген жок. Ал эми атаандашы эреже бузганы үчүн дисквалификацияланды.