Казакстанда машыгууда каза тапкан жоокерлерге сыйлыктар берилди

Казакстан президенти Касым-Жомарт Токаевдин жарлыгы менен Мангыстау облусундагы машыгуулар учурунда каза болгон аскер кызматкерлери кызматтык милдетин аткарууда көрсөткөн эрдиги жана берилгендиги үчүн мамлекеттик сыйлыктар менен сыйланышты.

Казак басылмаларынын жазгандарына караганда, Бауыржан Момышулы атындагы 2-даражадагы "Айбын" ордени взвод командири Мухтарулы Олжаска ыйгарылган.

Рахымжан Кошкарбаев атындагы 3-даражадагы "Айбын" ордени төмөнкү маркум жоокерлерге берилген.

Аяпберген Сержан Талгатулы (отряд командири).
Бегей Дастан Нурболулы, улук моряк (улук артиллерист).
Бердиханов Мейрамбек Ермуханулы (отряд командири).
Гилаж Акжайык Болатбекулы (моряк).
Гумаров Мансур Айтбайулы (отряд командири).
Диханбаев Олжас Тажибайулы (отряддын командири).
Жанабай Асет Саматулы (аткыч).
Кобенов Алмас Жусипулы (матрос, гранатометчи).
Мадихан Азамат Болатбекулы (матрос, гранатоматчынын жардамчысы).
Омирзак Омирбек Омирболатулы (моряк).
Темиргалиев Женис Тлеушевич (матрос, пулемётчунун жардамчысы).
Толеген Акылбек Кабденулы (улук матрос).
Турдыбекұлы Мирас (моряк, аткыч).

Эске салсак, 24-сентябрда Каспий деңизинде окуу-күжүрмөн тапшырмаларды аткаруу учурунда күтүүсүз бороон жана катуу шамалдан улам 17 аскер кызматкери деңизге агып кеткен. Кырсыктын кесепетинен 14 аскер каза болгон.