Азия оюндары: Таалайбек Байышев коло медаль үчүн беттешет

Японияда өтүп жаткан XX Азия оюндарында жиу-житсу боюнча Таалайбек Байышев коло медаль үчүн күч сынашат.

Дене тарбия жана спорт мамлекеттик агенттигинин бүгүн, 1-октябрдагы маалыматы боюнча, ал 62 килограммга чейинки салмакта беттешке чыгат. Байышев алгачкы беттеште Таиланддын өкүлү Сувижак Кунтонгду 2:2 эсебинде артыкчылык менен жеңген. Кийинки баскычта Бахрейндин өкүлү Абдулла Али Абдулланы 2:0 эсебинде жеңип, чейрек финалга чыккан.

Ал эми чейрек финалда Байышев Сауд Арабиясынын өкүлү Абдулмалик Мохаммед Аль-Мурдхини 2:0 эсебинде утса,

жарым финалдык беттеште Бириккен Араб Эмираттарынын өкүлү Омар Аль-Сувайдиге 0:4 эсебинде жеңилип калган.

Автор: Кылымбек Бейшеев
Фото: Дене тарбия жана спорт агенттиги