"Мадина" базарындагы өрттөн кийинки чыгымды аныктоо иштери уланууда

Бишкектин "Мадина" базарындагы өрттөн келтирилген чыгымдын көлөмүн аныктоо боюнча иштер улантылып жатат. Бул тууралуу 1-октябрда Бишкек шаарынын мэриясынан билдиришти.

Алдын ала эсептөөлөргө ылайык, келтирилген чыгымдын суммасы Свердлов райондук администрациясы тарабынан аныкталып, укук коргоо органдарына өткөрүлүп берилди. Ошол эле учурда тергөө иш-чаралары дагы деле уланууда.

"Ушуга байланыштуу жабыркагандарга компенсация төлөнбөйт деп айтууга азырынча эрте. Бул маселе боюнча тиешелүү иштер улантылууда",- деп айтылат маалыматта.

Мындан аркы төлөмдөр жана компенсациялар маселеси тиешелүү тергөө иштери аяктап, келтирилген чыгымдын акыркы өлчөмү аныкталгандан кийин каралат.

Автор: Меерим Кабылова
Фото: Интернеттен алынды