Кыргызстан орбитага алгачкы спутнигин учурду

Кечээ, 1-октябрда АКШнын Калифорния штатынан Кыргызстандын биринчи улуттук спутниги орбитага учурулду. Бул тууралуу президенттин администрациясы кабарлады.

Маалымдалгандай, учуруу Ванденберг аскердик-аба базасынан SpaceX компаниясынын Falcon 9 ракета алып жүрүүчүсү аркылуу ишке ашырылган. Спутникти учуруу аземине өлкө башчы Садыр Жапаров катышкан.

Спутникти учуруу Кыргызстандын жана Бириккен Араб Эмираттарынын биргелешкен ишинин натыйжасы болгон. Спутник Бишкек шаарында жайгашкан Башкаруу борборунан башкарылат.

Автор: Кылымбек Бейшеев
Фото: Президенттин администрациясы