Милиция кызматкери жол кире төлөбөйбү? Бишкектеги видео талкуу жаратты (видео)

Бүгүн, 2-октябрда Бишкекте коомдук транспортто айдоочу милиция кызматкеринен жол кире төлөөнү талап кылган. Окуя тартылган видео социалдык тармактарга тарады.

Видеодо милиция кызматкери кызматтык милдетин аткарып жүргөндүктөн, жол кире төлөбөй турганын жана бул мыйзамда каралганын айткан.

Бишкек мэриясынын маалыматына караганда, милиция кызматкерлери акысыз жүрүүгө укуктуу жарандардын тизмесине кирбейт.

Окуядан кийин социалдык тармактын колдонуучулары экиге бөлүнүп, айрымдары милиция кызматкерин жакташса, башкалары айдоочунун талабын туура деп эсептешкен.

Автор: Луиза Анатаева