ЖЫЛНААМА, 2-октябрь: Белгилүү ырчы Айдин Шер 37 жашка толду

Бүгүн, 2-октябрда кыргызстандык ырчы Айдин Шер 37 жашка толду. Ырчы бул тууралуу өзүнүн социалдык тармактагы баракчасында билдирди. Аны жакындары кызуу куттуктап жатышат.

Ырчы Кыргыз улуттук университетинин информациялык технологиялар факультетин аяктаган. Ошондой эле борбордогу "Аян-Арт" музыкалык мектебинде бир жарым жыл билим алган.

Айдин Шер "Тушалган махабат" ыры менен элге таанылып, репертуарында "Махабат - өмүр көркү", "Сүйүү мага келе элек", "Көлөкөм" сыяктуу ырлары менен белгилүү.

Белгилей кетсек, ырчы актёр катары да өзүн сынап келет. Учурда ал чыгармачылык ишмердүүлүгүн улантууда.

Автор: Үммүгүлсүн Кеңешбекова