Кызыл китепке кирген канаттууну мыйзамсыз кармаган жаран кармалды (видео)

Ысык-Көл облусунун Түп районунда Кызыл китепке киргизилген канаттууну мыйзамсыз кармаган жаран кармалды. Бул тууралуу бүгүн, 7-октябрда Ысык-Көл облустук милициясынан билдиришти.

Маалыматка ылайык, 46 жаштагы жарандын уунасынан канаттууларды кармоого арналган атайын каражаттар жана ителги табылды. Аталган факт боюнча Кылмыш-жаза кодексинин 310-беренеси менен кылмыш иши козголуп, 250 миң сом айып пул салууну караган протокол түзүлдү. Тергөө уланууда.

Маалымат үчүн: Ителги - Кыргызстандын Кызыл китебине киргизилген сейрек кездешүүчү жана коргоого алынган канаттуулардын түрүнө кирет.