Камбар-Ата-2 ГЭСинде кышка даярдык иштери жүргүзүлүүдө

Камбар-Ата-2 ГЭСинде пландуу оңдоо жана диагностикалык иштер жүргүзүлүүдө. Бул боюнча "Электр станциялары" ААКсы маалымдады.

Бул иштер жабдуулардын ишенимдүү жана туруктуу иштешин камсыз кылууга багытталган.

Учурда төмөнкү иштер аткарылууда:

ГA-1 гидроагрегатында оңдоо иштери жүргүзүлүүдө;
Т-1 күч трансформатору оңдоодон өткөрүлүүдө;
110 кВ ачык бөлүштүрүүчү түзүлүштүн жабдууларын оңдоо иштери жүргүзүлүүдө;
В-1 суу өткөргүчүнүн компенсаторунун тыгыздоочу манжетасы орнотулууда;
"ЭКРА" НПП ЖЧКсы подряддык уюму менен биргеликте Г-1 гидроагрегатынын "ЭКРА" коргоо жана автоматика терминалдарына диагностика жүргүзүлүүдө.