Манаста курулуп жаткан 9 кабаттуу үйдүн топурагы изилденет

Курулушту сертификаттоонун республикалык борборунун адистери Манас шаарындагы Кыргыз Республикасы көчөсү, 108 дарегинде курулуп жаткан 9 кабаттуу турак үйдүн аймагынан топуракка үлгү алышты. Бул тууралуу Курулуш министрлигинен билдиришти.

Маалыматка ылайык, адистер курулуш аянтында талаа шартында сыноолорду жүргүзүштү.

Үлгүлөр лабораторияда изилденип, топурактын физикалык-механикалык касиеттери аныкталат.

Изилдөөнүн жыйынтыгы топурактын инженердик-геологиялык абалын баалоодо жана курулуш иштерин улантууда эске алынат.

Автор: Айзада Кыдырмышева