Кайгуул кызматы BMW айдоочусуна чара көрдү

BMW 535 үлгүсүндөгү автоунаанын айдоочусу автоээнбаштык үчүн экинчи жолу жоопкерчиликке тартылды. Бул тууралуу Милициянын кайгуул кызматынын башкармалыгынын басма сөз кызматы билдирди.

Маалыматка ылайык, 6-октябрда айдоочу Укук бузуулар жөнүндө кодекстин 189-беренесинин 1-бөлүгүнө ылайык жоопкерчиликке тартылган.

Ошондой эле 14-октябрда социалдык тармактарда тараган видеодогу факты боюнча текшерүү жүргүзүлүп, айдоочу унаасына ар кандай жазууларды түшүрүп, жол кыймылынын коопсуздук талаптарына каршы келген көрүнүштөрдү ачык көрсөтүп айдаганы аныкталган.

Бул факт боюнча айдоочуга карата Укук бузуулар жөнүндө кодекстин 194-беренесинин 2-бөлүгүнө ылайык протокол түзүлдү.