Бишкекте милиция кызматкерлерин сөккөн жаран камакка алынды

18-октябрда Бишкектеги “Бишкек Арена” спорт комплексинин аймагында милиция кызматкерлеринин мыйзамдуу талаптарына баш ийбей, аларды сөккөн жана ар-намысына шек келтирген жаран кармалды.

Бишкек ШИИББинин маалыматына ылайык, 1997-жылы туулган Н.А. аттуу жаран милициянын кайгуул-күзөт кызмат полкунун кызматкерлерине баш ийбей, алардын дарегине орой сөздөрдү айткан.

Ал Укук бузуулар жөнүндө кодекстин 126-беренесинин негизинде Ленин райондук ички иштер башкармалыгына жеткирилип, убактылуу кармоочу жайга киргизилди.

Милиция жарандарды кызматкерлердин мыйзамдуу талаптарына баш ийип, коомдук тартипти сактоого чакырды.

Автор: Айзада Кыдырмышева