ИИМде министрдин катышуусунда 9 айдын жыйынтыгы чыгарылды

Бүгүн, 29-октябрда Ички иштер министрлигинде жыйын өттү. Мекеме маалымдагандай, отурумга ички иштер министри Улан Ниязбеков, анын орун басарлары жана ички иштер органдарынын башчылары катышышкан.

Коллегиялык жыйында 9 айдагы аткарылган ыкчам-кызматтык иштердин, элдин арыз-даттанууларын жеринде чечүү жана калкка сапаттуу кызмат көрсөтүү боюнча жүргүзүлгөн иштердин жыйынтыктары чыгарылып, миграция жаатындагы абал жана жүргүзүлүп жаткан иш-чаралар жөнүндө маселелер каралган.

Министр Ниязбеков кемчиликтерди белгилеп, аларды жоюу боюнча тиешелүү тапшырмаларды берген. Ал үй-бүлөлүк зомбулуктун, жашы жете электер арасындагы кылмыштуулуктун алдын алуу иштерин күчөтүү керектигин белгилеген.

Автор: Кылымбек Бейшеев
Фото: ИИМ